Goi e...
Shaning ni gaw lai she lai,
Ladu hkrum ten ya bai du
Jahkring mi ngu yang dingla wa
Shabrang ngu yang Ah Ji nga
Kashu pyi she lu sai da.
Karai e Kasang e...
Shanglawt lawt ai na sai da
Myutsaw myit ni yawm wa nga
Mung yu ngu yang ding hku yu
Mungdan ngu yang hting ra tam
Myu a matu shakut nga
Hkum hkrang hpum wa ai she mu.
La pai ngu yang la hkra nga
N-gup hta gaw myit hkrum nga
Kadai wa me sa kam na
Jinghpaw ngu yang Wunpawng nga
Wunpawng ngu yang Kachin nga
Jahtawng sha htu tim galaw saw
Gara hku me rawt jat na.
Lata hkindun baw kabye
Hpyen wa hpe she baw gum ya
10 ning jan sai da
Rawt mu Malan mu dai ni hta
An-hte maka an-hte ka
Rawt malan hkring htawng
Bai sha chyaw na
Nang ngai yawng a lit rai nga.
(KIO 49 ning ladu hkrum ai October 25 ya shani a matu ka dat ai gashagawp re. Shut ai lam nga yang mara raw dat ya marit.)
3 Ning Mu:
KIA kawn KIO byin tai wa ai pyi 10 ning na mat sai i!!!!!!! Grai hkrak ai yaw kanau e...
Yu shut kau dam na. 10 ning jan ai gaw simsa lam la ai hpe tsun mayu ai re. KIO gaw a sak 49 ning pring sai.
Ta Tut,
Ya yang na kaja wa bying nga ai mu jut hpe ta tut dan dan leng leng ka shapraw dat ai hpe mu mada ai hku re. Grai kaja sai. N-dai ga shagawp hpe hti ngut ai hpang kaja wa galai shai ai myit hte ting gyen myit hpe koi let Myu a matu akyu rawng shakut shaja ai Nang, Ngai tai sa wa ga law.
Mahka Brang Ja.
Post a Comment
Dum N-ta de sa chyai ai majaw grai chyeju kaba la sai. Ya na zawn ning mu bang nna ding lun yu ya ai majaw mung chyeju kaba la sai. Ndai Dum N-ta hta ning mu ni hpe bang ai shaloi n se n sa ga ni, matsa mawa ga ni n bang na matu lajin mayu n ngai. Ngwi pyaw hkam kaja nga u ga ngu...
(P.S:: Ning mu ni hpe shawng maram yu ngut jan mara ya na re majaw ti nang ka dat ai ning mu hpe kalang ta mu lu na n re ai majaw ning mu bang ngut ai hpang loi na yang she bai sa du yu nna ti nang a ning mu hpe yu yu ga ngu la jin dat ai.)
Ta Tut@Dum N-ta